Iraku mbylli përkohësisht aeroportin e Bagdadit këtë të hënë pasi retë e pluhurit mbuluan kryeqytetin. ekzistencial”. Stuhia e radhës është e dhjeta që nga mesi i prillit që goditi Irakun, i cili është goditur nga thatësira intensive, degradimi i tokës, temperaturat e larta dhe reshjet e ulëta të lidhura me ndryshimin e klimës.
Në fillim të këtij muaji, për të shënuar Ditën Botërore të Mjedisit, Presidenti Barham Saleh paralajmëroi se trajtimi i ndryshimeve klimatike “duhet të bëhet një prioritet kombëtar për Irakun pasi është një kërcënim ekzistencial për të ardhmen e brezave tanë që vijnë”.
Mëngjesin e kësaj të hëne një pluhur i trashë i bardhë mbuloi kryeqytetin irakian dhe zonat përreth, me dukshmëri të ulur në disa qindra metra (jard).
Zyrtarët në aeroportin e Bagdadit njoftuan pezullimin e përkohshëm të fluturimeve për disa orë para se të rifillonin rreth orës 10:30 të mëngjesit (0730 GMT).
Aeroportet janë detyruar të pezullojnë fluturimet disa herë për shkak të stuhive të rërës gjatë javëve të fundit.
Në maj, për shkak të stuhive të rërës, mijëra njerëz u shtruan në spital me probleme në frymëmarrje duke shkaktuar edhe të vdekur.
Iraku, i cili po hyn në sezonin përvëlues të verës, kur temperaturat herë pas here i kalojnë 50 gradë Celsius (122 Fahrenheit), është renditur nga Kombet e Bashkuara si një nga pesë vendet më të cenueshme të botës ndaj ndryshimeve klimatike dhe shkretëtirëzimit.
Ministria e Mjedisit në Irak ka paralajmëruar se gjatë dy dekadave të ardhshme Iraku mund të durojë mesatarisht 272 ditë stuhi rëre në vit, duke u rritur në mbi 300 deri në vitin 2050.
Përshtati Liberale.al
