Drejtuesi politik i Partisë Demokratike në qarkun e Lezhës, Mark Marku, ka komentuar mesditën e sotme videon e publikuar të kryeministrit Edi Rama në Instagram, ku shihet në një nga puntatat e emisionit Opinion, i nxehur dhe me një fjalor të papërshtatshëm.
Marku tha në studion e News 24 se nuk i bën aspak përshtypje lëvizja e kreut të qeverisë për ta ironizuar dhe intimiduar, ndërsa shtoi se pavarësisht gjithçkaje është njeri si të gjithë; me emocione dhe ndjesi.
Ai gjithashtu u rikthye pas në kohë, duke sqaruar rrethanat që e shtynë të nxehej. Deputeti i PS-së, Musa Ulqini, sipas Markut, po mbronte pa kurrfarë sensi ligjin antishpifje, dhe në kundërshti me profesionin e disa viteve më parë si gazetar në gazetën “Zëri i Popullit”.
Videoja e postuar e kryeministrit Edi Rama në “Instagram”:
View this post on Instagram
