Kryeministri Edi Rama mblodhi mëngjesin e sotëm kryesinë e partisë. Mësohet se në mbledhje u diskutua për organizimin e partisë në prag të zgjedhjeve lokale të qershorit. Ndërkohë që dje u miratua edhe ngritja e një grupi pune për hartimin e Statutit të ri të Partisë Socialiste.
Për mediat nuk foli askush edhe pse interesi është shumë i madh për të mësuar diçka më shumë për këtë ‘tërmet’ në qeveri, që la të befasuar të gjithë aktorët, ata që u larguan dhe ata që erdhën.
“Në lëvizjet e djeshme mbeten të paqarta kriteret e përzgjedhjes së ministrave që u larguan,” raporton Zëri i Amerikës.
E qartë mbetet se skenat e djeshme ishin të pazakonta, çka tregon se zyrtarët e PS ishin të paqartë për atë që do të ndodhte.
“Momenti i djeshëm i Ramës kur bëri publik emrat e ministrave që largohen dhe atyre që emërohen, ngjan me momentin e dhënies së çmimeve në festivalin e këngës së RTSH, ku juria shpall çmimet dhe disa përloten, disa emocionohen, disa qeshin e disa hidhërohen. Pas këtij momenti media është e gatshme jashtë që të marrë impresionet e para të protagonistëve, ku, ka nga nga ata që çmimin ia dedikojnë publikut, nënës, babës apo shoqërisë. Ka dhe nga ata që deklaruan për mediat që ishin shumë të surprizuar dhe që s’e prisnin që të shpalleshin fitues. Perlë!” shkruan drejtori i Mapos, Ervis Iljazaj në rrjetet sociale.
Spiropali flet pas zgjedhjes ministre: Totalisht surprizë, nuk dija gjë për lëvizjen e Ramës
Revolta e Ramës me FRESSH dhe Forumin e Gruas dhe mimika e ‘5-vjeçarëve’
Etiketa: ceremonia, ironia, mimikat, ndarje çmimesh, Ndryshimet, Qeveria, reagimet
