Aktualitet

Isa Mustafa: Zgjedhjet, referendum që rrëzoi referendumin e Albinit dhe Vjosës














Bëni LIKE faqen zyrtare në Facebook
               Publikuar në : 13:00 - 18/10/21 |
mapo.al

Lidhja Demokratike e Kosovës në raundin e parë të zgjedhjeve ka fituar dy komuna, ndërkaq ka shkuar në balotazh në nëntë tjera.






Për ish-kryetarin e kësaj partie, Isa Mustafën, këto zgjedhje janë “Referendumi i dytë” brenda një viti, apo siç e quan ai referendum që e rrëzoi atë të Albin Kurtit dhe Vjosa Osmanit.


Rezultatet preliminare të zgjedhjeve të 17 tetorit e nxjerrin LDK-në fituese në Komunën e Pejës dhe të Lipjanit.







Në një prononcim për Gazetën Express, Mustafa ka deklaruar se këto zgjedhje kanë dëshmuar paqëndrueshmërinë e rezultateve nga zgjedhjet e përgjithshme.




“Ishte ky “Referendumi i dytë” gjatë këtij viti. Ose Referendum që e rrëzoi referendumin e Albinit dhe Vjosës. Në fakt këto zgjedhje dëshmuan paqëndrueshmërinë e rezultateve nga zgjedhjet e përgjithshme dhe e vunë në dyshim të plotë bazueshmërinë e këtij rezultati”, ka deklaruar Mustafa.



Kandidatët e LDK-së në Prishtinë, Podujevë, Gjilan, Fushë Kosovë, Vushtrri, Viti, Istog, Junik dhe Dragash, do të përballen në raundin e dytë të zgjedhjeve, pasi nuk kanë arritur ta sigurojnë fitoren “me të parën”.

1


Etiketa:

CLOSE
CLOSE
Pas