Ish-kryeministri Nikolla Gruevski u shpall fajtor për rastin TNT dhe u dënua me 9 vite të tjera heqje lirie. Që prej vitit 2018, ai ndodhet me azil në Hungari
Dënimi prej 9 vjetësh lidhet me shembjen e paligjshme të një objekti biznesi, investim disa milionësh, vetëm për shkak të kundërshtimeve politike.
Po ashtu edhe ish-ministri Mile Janakieski u shpall fajtor dhe u dënua me 3 vjet burg, dhe për të ky është dënimi i gjashtë me burg.
I dënuari tjetër në këtë rast është ish-kreu i Komunës së Gazi Babës, Toni Trajkovski si dhe e punësuara në komunë si inspektore e ndërtimit të cilët u dënuan më nga 4 vjet burg.
Të gjithë të dënuarit do të duhet t’i paguajnë së bashku dëmshpërblimin prej 11 milionë eurosh biznesmenit Fijat Canovsk,i objekti i të cilit u shemb.
Gjatë muajit prill, Gruevski u dënua me 7 vite burg nga Gjykata Penale e Shkupit, për pastrim parash, pasi kishte shfrytëzuar paratë e donacioneve për partinë e tij, duke blerë prona të patundshme për vete dhe duke i regjistruar në emrat e personave të tjerë.
