Bota

Ish-presidenti vret veten para se të arrestohej për ryshfet














Bëni LIKE faqen zyrtare në Facebook
               Publikuar në : 18:56 - 17/04/19 |
mapo.al

Ish-presidenti i Perusë, Alan Garcia ka vrarë veten teksa policia kishte mbërritur në banesën e tij për ta arrestuar pas akuzave për korrupsion. Garcia u dërgua në spital, ku edhe humbi jetën. Një turmë me mbështetës u mblodh përpara spitalit, por u zmbrapsën nga policia.





Garcia akuzohej se kishte marrë ryshfet nga kompania braziliane e ndërtimeve, Odebrecht.


Kur policia mbërriti, Garcia kërkoi që të bënte një telefonatë dhe më pas shkoi në një dhomë dhe mbylli derën. Pak minuta më vonë u dëgjua një krismë. Policia hapi derën me forcë dhe e gjeti atë në karrige me një plagë plumbi në kokë.




Garcia ishte president nga viti 1985 deri në vitin 1990 dhe nga viti 2006 deri në vitin 2011. Ai ishte një orator i lindur dhe disa e quanin edhe ‘Kenedi i Amerikës Latine’.


Hetimet ndaj tij lidhen me një ryshfet të marrë nga kompania Odebrecht për ndërtimin e një metroje në kryeqytet. Por Garcia pretendonte se ishte viktimë e persekutimit politik, pasi ndaj tij nuk kishte prova.


Odebrecht është një gjigand brazilian në fushën e ndërtimeve. Ata kanë pranuar se kanë paguar thuajse 30 milionë dollarë ryshfete në Peru që prej vitit 2004.

Ky skandal korrupsioni ka prekur shumë politikanë. Katër nga presidentët e fundit të Perusë janë duke u hetuar për korrupsion. I pesti, Alberto Fujimori është në burg për korrupsion dhe abuzim me të drejtat e njeriut.

1


Etiketa: , , , , , ,

Share
Mbyll
CLOSE
CLOSE
Pas