Një rimorkiator, i cili ishte nisur nga Ankona për në Shqipëri, u fundos 52 milje nga Bari në ujërat ndërkombëtare, mbrëmjen e së mërkurës.
Dy anëtarë të ekuipazhit u gjetën të pajetë. Tre anëtarë të tjerë janë ende të zhdukur, ndërsa komandanti 63-vjeçar nga Catania u shpëtua dhe tani ndodhet i shtruar në spital në Policlinico di Bari.
Operacionet e kërkimit për të zhdukurit janë ende në vazhdim, të koordinuara nga dhoma e operacionit të Autoritetit Portual të Barit, në bashkëpunim me autoritetet kroate. Në vend ndodhen pesë anije, të mbështetura nga një helikopter.
