Gazeta Mapo zbardh foton e Gjekson Pusit, 33-vjeçarit që ndihmoi Viktor Markun, për të ekzekutuar Hekuran Billën. Gjekson Pusi është me precedentë penal në të shkuarën dhe ishtë në masë sigurie “Arrest shtëpie”, pasi po hetohej për armëmbajtje pa leje.
Gjekson Pusi është personi që i bëri atentat me armë Fatjon Harushës në Shkodër, ditën e djeshme. Pasi e arrestoi, policia e Shkodrës i komunikoi edhe një urdhër-ndalimi të lëshuar nga Tirana, pasi dyshohet si personi që ndihmoi në vrasjen e Hekuran Billës.
33-vjeçari dyshohet se ka qenë personi që ka drejtuar automjetin që u përdor në atentat dhe që u gjet i djegur disa minuta pas ngjarjes në Pezë.
Më herët janë prangosur Sebastian Mali dhe daja i tij Viktor Marku si dhe vajza që nxori në pritë viktimën, Adjola Lakra, e cila ishte njëkohësisht edhe e dashura e Hekuran Billës.
Ngjarja ka motive hakmarrje, pasi 40-vjeçari kishte vrarë në Britaninë e Madhe Prel Markun, vëllanë e Viktor Markut gjatë një sherri.
