Videoklipi i këngës “I’ll show you” i Justin Bieber është bërë shkaku i mbylljes së kanionit Fjadrargljufur në Islandë. Në fund të vitit 2015, kur u xhirua edhe klipi, pati një vërshim vizitorësh në kanionin e përmendur dhe Agjencia e Ambientit mori vendimin për ta mbyllur deri më datë 1 qershor, pikërisht për të ndaluar shkatërrimin e zonës prej tyre.
“Prej konsistencës dhe trashësisë së shtresës së baltës, turistët përfundojnë duke anashkaluar gardhet që rrethojnë zonat ku rritet bimësia e mbrojtur. Dhe ata bëjnë dëm”– deklaruan autoritetet islandeze.
Justin Bieber ka ndikuar në rritjen e vizitave në kanionin Fjadrargljufur me rreth 80%, sidomos në vitin 2016. Vetëm vitin e kaluar, ishulli pati mbi 2.3 milionë vizitorë, shifër që nuk ishte hasur kurrë më parë në të.
