Eksperimenti i Islandës për zbatimin e planit të punës 4-ditore në javë ka rezultuar me suksese, sipas një artikulli në gazetën “Independent”.
Më shumë se 1% e fuqisë punëtore të vendit morën pjesë në programin eksperimentues, i cili uli orët e punës në javë (në 35-36 orë), pa ndryshuar rrogën e punonjësve.
Analiza e përbashkët e ‘think tank’ e Islandës dhe Mbretërisë së Bashkuar zbuloi se provat të cilat filluan nga viti 2015 deri në 2019 përfshinë më shumë se 2,500 pjesëmarrës, rritën produktivitetin në punë.
Sindikatat e Islandës, të cilat negociojnë pagat dhe kushtet e punës me punëdhënësit, kanë filluar negociatat për të ulur orët e punës.
Analiza e përbashkët, e kryer nga “think tank Autonomy” në Mbretërinë e Bashkuar dhe Shoqata për Qëndrueshmëri dhe Demokraci (Alda) në Islandë, zbuloi se mirëqenia e punëtorëve pjesëmarrës u përmirësua në mënyrë dinamike .
Nivelet e stresit, gjendja shëndetësore dhe rrjedhshmëria e punës u përmirësuan ndjeshëm, në pothuajse të gjitha grupet.
Produktiviteti dhe ofrimi i shërbimeve kanë mbetur të njëjta ose janë përmirësuar në shumicën e vendeve të punës.
“Udhërrëfyesi për më pak orë pune në Islandë, na tregon se jo vetëm që është e mundur të punohet më pak në kohët moderne, por ndryshimi progresiv është gjithashtu i mundur,” tha studiuesi Gudmundur D. Haraldsson .
45 deputetë nga parti të ndryshme, përfshirë Laburistët, SNP, Plaid Cymru, SDLP dhe Partia e Gjelbër, nënshkruan një mocion që i bën thirrje qeverisë të ngrejë një komitet për të shqyrtuar javën katër-ditore të punës.
Një sondazh i botuar në korrik të vitit të kaluar nga Survation zbuloi se 63% e popullit mbështesin idenë e një jave katër-ditore pa ndryshuar pagën, ndërsa vetëm 12% e kundërshtojnë atë.
