Sheshit Nicola Amore i rikthehet shkëlqimi në zemër të Napolit. Pas gati 20 vitesh punë, një nga stacionet më interesante të metros në botë do të jetë funksionale brenda një muaji.
Në qendrën historike të qytetit napolitan, arkitekti Massimiliano Fuksas dhe e shoqja Doriana Mandrelli nënshkruan projektin për ndalesën futuristike “Duomo”.
Arsyeja për zgjatjen e punimeve në gati dy dekada, është se gjatë gërmimeve u gjetën mbetje të shumta arkeologjike; si një arkadë helenistike të epokës flaviane, tempulli i lojërave olimpike të kërkuar nga perandori August pas Krishtit, dhe një numër të panjohur varresh, skeletesh, statuja, si dhe gravura në mermer.
Projekti është me të vërtetë një mrekulli. Eshtë një kupolë qelqi transparente e bërë prej çeliku; një turist apo banor i zonës do të ndjehet si një astronaut, u shpreh Fuksas, i cili sheh Tokën nga Hëna dhe vëzhgon fazat e ditës që pasojnë njëra-tjetrën.
Po ashtu gjetjet arkeologjike do të mund të vizitohen dhe të duken nga sheshi falë xhamit transparent. Për të ruajtur tempullin, shpjegoi arkitekti, një strukturë flluske u shpik me një çelik trekëndësh dhe kornizë qelqi për të lejuar dritën e drejtpërdrejtë natyrore.
Megjithatë, punimet në metronë e Napolit nuk kanë përfunduar: deri në gjysmën e parë të vitit 2021 pritet hapja e plotë e Piazza Municipio me stacionin, tashmë në veprim, i projektuar nga arkitektët portugezë Àlvaro Siza dhe Eduardo Souto de Moura.