Italia është zyrtarisht jashtë botërorit “Katar 2022”. Skuadra e Roberto Mancinit u mposht në mënyrë befasuese në gjysmëfinalen e playoff-eve nga Maqedonia e Veriut, me rezultatin 0-1.
Mbrojtësi Giorgio Chiellini u shpreh se skuadra është e trishtuar pas humbjes, ndërsa trajneri Mancini u shpreh se rezultati ishte zhgënjimi më i madh.
Kjo është Kupa e dytë Botërore, ku Italia nuk ia del të kualifikohet, pas dështimit në Rusi 2018.
Më 29 mars, Maqedonia e Veriut do të luajë kundër Portugalisë, për një vend në kompeticionin më prestigjioz të kombëtareve.
