Aktualitet

Izraeli nën komandën e gjeneralëve














Bëni LIKE faqen zyrtare në Facebook
               Publikuar në : 08:07 - 15/05/21 |
Glevin Dervishi

Historia e shtetit të Izraelit është një nga historitë më interesante dhe komplekse të Lindjes së Mesme, por edhe një rast i jashtëzakonshëm në marrëdhëniet ndërkombëtare sa i takon shtetndërtimit, rrugës për konsolidim, rolit të tij në arenën rajonale dhe atë globale.






Që prej krijimit të tij në 1948 dhe të gjitha luftërat që pasuan, Forcat Mbrojtëse të Izraelit (IDF) kanë luajtur një rol esencial jo vetëm në sigurinë e vendit dhe të qytetarëve, por kanë formësuar dhe kultivuar një komb, vijën e sjelljes, përgjegjshmërinë, gatishmërinë, sensin e detyrës, sakrificën, disiplinën që kanë shpërblyer vendin në disa luftëra, duke u imponuar respekt mbi të gjitha rivalëve të Izraelit.


IDF është ndër të paktat forca të armatosura në botë në të cilin kryejnë shërbim të detyrueshëm ushtarak si djemtë dhe vajzat, madje edhe pas përfundimit të shërbimit ata qëndrojnë si forcë rezerviste e vendit në rast mobilizmi. Reputacioni që ka ndërtuar kjo forcë prej nga kanë kaluar të gjithë ish-kryeministrat apo presidentët e vendit, të cilët kanë shërbyer në të gjitha njësitë përfshirë dhe njësitet speciale si Shaldag, apo brigadat Golani dhe Givati ka marrë tashmë një dimension tjetër.







Për herë të parë dy prej ish-shefave të shtabit të saj janë në të njëjtën kohë ministër i Mbrojtjes dhe ministër i Jashtëm i Izraelit. Gjeneral-lejtnantët me tre yje, Benny Gantz dhe Gabi Ashkenazi që vijnë nga një eksperiencë e gjatë dhe pjesëmarrës direkt në disa prej luftërave të Izraelit që nga 1973 e në vazhdim, janë modeli i suksesit në komandë dhe burim sigurie për qytetarët e vendit.
Fati i ka ndjekur që të dy të pasojnë njëri-tjetrin në poste komanduese si në komandën veriore në zonë operacionale Liban-Siri, Zëvendësshefa Shtabi e në fund Shefa Shtabi duke qenë shefat e 20 dhe 21 të IDF.



Zhvillimet e fundit tragjike në Gaza, Azhdod, Lod apo Tel Aviv duhet të adresohen me dialog dhe jo nëpërmjet forcës, por duke respektuar një zgjidhje të qëndrueshme me dy shtete që mundëson një ekzistencë në paqe për të dy popujt, në respekt të së ardhmes por edhe përpjekjeve të fuqive të mëdha për procesin e paqes.



Gjatë këtyre orëve është e qartë që kryeministri i Izraelit Bibi Netanyahu po ndjek nga afër operacionet në Shtabin e Komandës Jugore të vendit përgjegjëse për rajonin e Gazës dhe kufijtë me Egjiptin. Familja Netanyahu është gjithashtu një ato familje që ka shkruar emrin në altarin e IDF në shërbim të vendit dhe qytetarëve. Vëllai i tij i madh, Kolonel lejtnant Yoni Netanyahu drejtoi operacionin Thunderbolt në Entebe të Ugandës, ku dhe humbi jetën në 4 korrik 1976 për lirimin e 106 pasagjerëve kryesisht izraelit të marrë peng nga PFLP – EO.

Për vetë të shkuarën e tij, Izraeli e kupton shumë mirë rolin e ushtrisë në sigurinë e vendit dhe pasjen e fatit në duart e strategëve të betejave. Në këtë foto të realizuar tre ditë më parë në komandën jugore në Beersheba, pavarësisht diferencave politike janë bërë bashkë elita politike dhe ushtarake e vendit të cilët kanë të përbashkët vendin, të shkuarën, dhe lidhjen e tyre me uniformën.

1


Etiketa:

Pas