Gjatë viteve të fundit është rritur numri i vetëvrasjeve në Spanjë, ku mesatarisht 11 persona kryejnë vetëvrasje në ditë.
Ministria e Shëndetësisë ka krijuar një linjë telefonike pa pagesë për të parandaluar këto vetëvrasje.
Ministrja spanjolle e Shëndetësisë, Carolina Darias u shpreh se: ‘’Ishte e nevojshme të kalonim nga heshtja në debat, nga debati në veprim dhe kjo është linja e parë e veprimit. Incidentet e vetëvrasjeve janë një dramë e fshehur që duhet kapërcyer”.
Gjithashtu ajo theksoi se vetëvrasjet të cilat janë përkeqësuar nga epidemia dhe kriza ekonomike, janë një kërcënim i heshtur për shoqërinë dhe duhen kapërcyer. Në Spanjë, 220 persona tentojnë të bëjnë vetëvrasje çdo ditë dhe 11 prej tyre ia dalin. Ka pasur një rritje prej 7,5 për qind krahasuar me një vit më parë.
Në vitin 2000 janë regjistruar 3 941 raste me personat që kryejnë vetëvrasje, ku përfshihet mosha 14 deri 29 vjeç.
