Japonia është goditur nga një tërmet 6.8 i shkallës rihter. Mediat vendase bëjnë me dije se lëkundjet e forta të tërmetit janë ndjerë në bregun verilindor të Japonisë.
Shërbimi Gjeologjik i Shteteve të Bashkuara (USGS) tha se tërmeti në mesnatë goditi në një thellësi prej 47 kilometrash në Paqësor, pranë Ishinomaki, prefektura Miyagi, pranë epiqendrës së tërmetit të madh të marsit të 2011 që shkaktoi një tsunami të lartë, duke vrarë më shumë se 18 mijë njerëz.
Agjencia USGS dhe Meteorologjike thanë se nuk kishte asnjë rrezik të tsunamit pas goditjes, e cila prodhoi dridhje të forta përgjatë pjesëve të bregdetit lindor dhe u ndje gjithashtu në Tokio.
Ndërkohë zyrtarët në Aomori, Fukushima dhe Iëate thanë se nuk ishte raportuar asnjë viktimë dhe transmetuesi publik NHK tha se nuk kishte raporte të menjëhershme të dëmeve.
Disa pjesë të autostradave dhe shërbimeve të trenave, duke përfshirë ato në Tohoku Shinkansen Line, u pezulluan pas temblorit, i cili u ndie gjithashtu në Tokio.
