“Enkelejd Alibeaj dhe Gazment Bardhin nxirren me shkelma jashtë selisë së Partisë Demokratike”. Këtë të enjte, Bujar Kapexhiu ka publikuar një karikaturë që mund të nxisë shumë debat.
Përmes një karikature, Kapexhiu ka ilustruar dëshirën e kahershme të grupit të “Rithemelimit të PD-së” të cilët kanë provuar me çdo mjet që të nxjerrin nga selia blu drejtuesit legjitim të Partisë Demokratike.
Pas përplasjes fizike për marrjen e selisë së demokratëve, grupi i “Rithemelimit të PD-së” mori nën kontroll pjesën më të madhe të zyrave. Por ky grup nuk ka mundur akoma që të nxjerrë nga zyrat kryetarin në detyrë të Partisë Demokratike, Ankelejd Alibeaj dhe numrin dy Gazment Bardhin.
Karikatura ironizon dëshirën e fortë të grupit të “Rithemelimit të PD-së” për të nxjerrë nga selia dy kundërshtarët më të fortë politikë “brenda llojit” duke pretenduar se demokratët e vërtetë i përfaqëson vetëm grupi i rithemelimit.
Karikaturën të cilën Bujar Kapexhiu e ka postuar edhe në Facebook-un e tij e ka shoqëruar me komentin “Për kontribut demokratik”.
Karikatuara mund të lexohet në dy mënyra:
E para: Kapexhiu me anë të karikaturës së tij, duket se propozon që dy deputetët plangprishës edhe pse janë të shkarkuar nga detyrat që mbanin më herët, vazhdojnë dhe të sillen sikur janë ende të emëruar.
E dyta: Kapexhiu mendon se janë pikërisht këta dy persona që po bëjnë qëndresën më të madhe për të sjellë demokracinë e vërtetë mes përfaqësuesve të demokratëve. Pikërisht për këtë arsye grupit i “Rithemelimit të PD-së” i do jashtë sepse vetëm demokraci nuk ka më brenda selisë blu, të vetmit simbol unifikues të demokratëve.
