Trajneri i kombëtares shqiptare, Edoardo Reja ka folur para sfidës me San Marinon duke komentuar edhe humbjen me Anglinë.
Reja thotë se me Anglinë, Shqipëria nuk doli në lojën e saj pasi kishte parashikuar ta kapte kundërshtarin në kundërsulm, por e pranon se edhe ‘Tre Luanët’ nuk bënë ndonjë gjë të madhe.
Sipsa tij në San Marino do të luajnë lojtarët më të denjë dhe në formë, teksa thekson se ka 28 lojtarë në dispozicion.
Ai ka sqaruar edhe çështjen e Florian Kamberit, për të cilin thotë se kishte shumë dhimbje, madje ka bërë edhe nxehmje para Anglisë, por nuk ia doli dot, teksa nuk e kap dot as sfidën me San Marinon.
‘’Më vjen keq që kanë qarkulluar lajme të tilla, është e tuprshme nuk ekziston kjo çështje, s`ka çështje Kamberi, kanë raportuar disa lajme të tilla. Kamberi ka bërë një eko, nuk dukej se gjë në eko, por ka thënë se ka dhimbje dhe nuk është stërvitur një ndeshje para Anglisë. E futa në nxehmje, dhe s’mund ta aktivizonim. Lojtari është këtu me ne. E keni parë në San Marino, do kthehet tek klubi. Situata të pavërteta. Media shqiptare humbet pak besueshmërinë. Kam 28 lojtarë. Kam mundësi zgjedhjeje, por sigurisht do luajnë lojtarët më të denjë dhe më në formë.
Nuk dua t’i hap probleme asnjë lojtari të dëmtuar. Atmosfera pas humbjes është po njësoj. Bëmë një ndeshje të mirë kundër një rivali si Anglia. Luajtëm mirë në mbrojtje. Nuk dolëm në lojën tonë, parashikuam që t’i vinim në vështirësi anglezët me kundërsulme. Edhe anglezët nuk bënë ndonjë gjë të madhe në pjesën e parë. Në minutën e 35 goditën portën. Ka lojtarë të mëdhenj. Jemi të ndërgjegjshëm për mundësitë tona.’’- tha Reja.
Ndërsa Elseid Hysaj thotë se humbja me Anglinë nuk i bëri përshtypje kuqezinjve pasi dihej se do të ishte e vështirë, teksa mbrojtësi thotë se sfida e radhës ndaj San Marinos është më e vështirë.
Për të, San Marino luan si Andorra mbyllur mbrapa në mbrojtje dhe ai konfirmon se lojtarët kanë folur me Rejan për disa lëvizje në mënyrë që të krijojnë më shumë raste e të gjejnë më shumë lojtarë.
Hysaj thotë se me ekipet në nivelin e Shqipërisë apo nën saj duhet të merren patjetër 3 pikët në mënyrë që kombëtarja të mbetet në garë për kualifikueset.
‘’Morali me humbjen në Anglinë nuk na bëri përshtypje, e dinim që do isthe ndeshje e vështirë, po të bënim ndonjë mrekulli.
Jemi gati, sepse kemi menduar si ndeshej të rëndësishme Andorra dhe San Marino, me Anglinë nuk dihej rezultati, u futëm për të ‘luajtur’.
Besoj do ishte një ndeshje si në Andorra. San Marino luan shumë mbyllur mbrapa. Kemi folur me Rejan, të bëjmë disa lëvizje që të kemi më shumë raste se me Andorrën dhe më shumë hapësirë.
Unë do jem i njëjti lojtar, këtë është edhe një modul që trajneri e përdor më shum ëofensiv se sa defensiv. Ka më shumë hapësirë në lëvizjet e mia. Nuk i dihet ndeshjes. Çdo ndeshje ka ndryshimet e veta. Besoj jam dhe jemi të gjithë gati për këtë ndeshje. Për mua kapiten, është bukur të jesh kapiten, por kur merr telefonatën e kombëtares është shumë bukur të jesh pjesë e këtij grupi.
Rëndësia është që me skuadrat në nivelin tonë, ose më poshtë të bëjmë maksimumin. Me Anglinë ishte lojë shumë e bukur, por me Andorrën e San Marinon duhet të shfrytëzojmë të gjitha rastet. Për të marrë 3 pikët e për të qenë në garën për t’u kualifikuar. Duhet të jemi, për të bërë ndeshjen më të lehtë duhet të jemi më të koncentruar. Duken të lehta në letër, një top që ata e shfrytëzojnë kurse ne nuk jemi të koncentruar. Të shfrytëzojmë mundësitë që të ecim përpara. ‘’- tha Hysaj.