Përveç pezullimit të fluturimeve me Britaninë e Madhe, Shqipëria kufizon lëvizjen për festat e fundvitit.
Duke filluar nga data 24 Dhjetor, ndalohet dalja nga banesa pas orës 20:30. Kjo masë do qëndrojë në fuqi deri më 5 Janar të vitit 2021.
Gjithashtu edhe baret e restorantet do të qëndrojnë të mbyllura duke filluar nga ora 20:30 e datës 24 Dhjetor, të paktën deri më 5 Janar.
Çdo person mund të lëviz nga ora 06:00 e mëngjesit deri në orën 20:30. Pas këtij momenti fillon ora policore dhe mund të lëvizni vetëm me leje. Nga data 5 Janar, Shqipëria do të ketë si orë policore 22:00-06:00
“Duke qenë se kemi hyrë në periudhë festash bazuar në vlerësimine riskut që sjellin grumbullimet kemi vendosur kufizimin e lëvizjes së popullatës nga ora 20:30 e mbrëmjes deri në orën 06:00 të mëngjesit duke filluar nga data 24 dhjetor deri në 4 janar” tha Manastirliu.
– Kufizimin e lëvizjes së popullatës nga ora 20:30 deri në orën 06:00 të mëngjesit, duke filluar nga data 24 Dhjetor deri në datën 4 Janar. Përjashtim nga ky rregull bëhet për personat që duhet të lëvizin për emergjenca shëndetësore, motive pune apo nevoja të domosdoshme.
– Personat që lëvizin për arsye pune apo arsye të domosdoshme pajisen me autorizim përmes portalit e-albania.
– Prej datës 5 Janar kufizimi i levizjes rikthehet në orën 22:00, sipas specifikave që tashmë të gjithë i njohim.
– Po ashtu, kemi marrë vendim: kufizimin e aktivitetit të bareve dhe restoranteve, fast food, lokale, që ofrojnë shërbim për klientët nga ora 20:30 deri në orën 06:00, duke filluar nga data 24 Dhjetor deri në datën 4 Janar, duke përjashtuar shërbimin në banesë, pra atë delivery.
– Prej datës 5 Janar kufizimi i aktiviteteve të bareve dhe restoranteve rikthehet në orën 22:00.
– Po ashtu rekomandojmë të gjithë qytetarët të shmangin udhëtimet jo thelbësore si dhe aktivitetet jo thelbësore.
LEXO EDHE:
https://gazetamapo.al/lajmi-i-fundit-shqiperia-pezullon-fluturimet-me-britanine-e-madhe/