Ambasada amerikane, në bashkëpunim me qeverinë shqiptare dhe Ministrinë e Jashtme po zhvillon një aktivitet në kuadër të vendosjes së 100-vjetorit të marrëdhënieve diplomatike Shqipëri- SHBA.
Të pranishëm në aktivitet janë figurat më të larta drejtuese të vendit tonë. Në këtë aktivitet ka përshëndetur edhe presidenti amerikan Joe Biden. Nëpërmjet një video mesazhi, të shfaqur në momentin që ambasadorja Kim mori fjalë, Biden thotë se të gjithë shikojnë drejt së ardhmes dhe forcimit të bashkëpunimit.
“Sot Shqipëria dhe SHBA janë aleatë në NATO dhe ne shikojmë në të ardhmen. SHBA do të vazhdojë të bashkëpunojë me Shqipërinë për të ndjekur rrugën drejt Bashkimit Evropian”, tha ndër të tjera Biden.
