Kryeminsitri i Britanisë së Madhe, Boris Johnson ka deklaruar se Vladimir Putin nuk do ta kishte pushtuar Ukrainën, nëse do të ishte një grua dhe beson se lufta është një “shembull i përsosur i maskulinitetit toksik”.
Në një intervistë për mediat gjermane pas samitit të G7 në Schloss Elmau, kryeministri përmendi gjininë e presidentit rus, si një faktor kontribues në konflikt.
Johnson i tha transmetuesit ZDF: “Nëse Putini do të ishte një grua, gjë që ai padyshim nuk është, nëse do të ishte, me të vërtetë nuk mendoj se ai do të kishte nisur një luftë të çmendur,’ maço’ pushtimi dhe dhune në mënyrën që ka. Nëse doni një shembull të përsosur të maskulinitetit toksik, kjo është ajo që ai po bën në Ukrainë.”
Deklarata e tij vjen pasi udhëheqësit perëndimorë përfunduan samitin tre ditor të G7 në Gjermaninë jugore, duke premtuar se do të rrisin kostot ekonomike dhe politike për Putinin dhe regjimin e tij të luftës së Rusisë në Ukrainë.
Johnson tha gjithashtu se ndërsa udhëheqësit e G duan “dëshpërimisht” një fund të luftës në Ukrainë, por aktualisht nuk ka asnjë marrëveshje.
Por ai gjithashtu e përshkroi samitin si “të pabesueshëm” pasi udhëheqësit u afruan gjithnjë e më shumë drejt një marrëveshjeje.
Johnson tha se Perëndimi duhet të mbështesë strategjinë ushtarake të Ukrainës, në mënyrë që ta sjellë presidentin Volodymr Zelensky “në pozicionin më të mirë të mundshëm” në negociatat me Rusinë kur të vijë faza e bisedimeve mes palëve.
Johnson ka udhëtuar në Madrid për një samit të NATO-s së bashku me sekretaren e jashtme, Liz Truss. Takimi i NATO-s në Madrid vjen pas lajmeve se Turqia ka arritur një marrëveshje me anëtarët e mundshëm Finlandën dhe Suedinë, duke hequr një pengesë përfundimtare për bashkimin e tyre.
