Në përplasjen me armë në Velipojë që regjistroi masakrën më të madhe në këtë sezon turistik, viktima mbetën 4 persona.
Kujtim Ferracaku 59 vjeç, Xhovani Gocaj 25-vjeç, Edmond Gocaj 38 vjeç, vëllezër dhe Myzerim Zeneli, 20 vjeç, punonjës i çadrave.
Pjetër Gocaj, babai i dy viktimave, Xhovani Gocaj dhe Edmond Gocaj, i tronditur për ngjarjen dhe me lot në sy, ka marrë kurajon që të flasë për mediat për këtë tragjedi që preku familjen e tij:
“Më kanë vrarë djemtë. Kjo që më ka ndodhur mos i ndodht më kujt, mua më është fikur dera e shtëpisë. Më kanë vrarë dy djemtë, çfarë më duhet jeta më. Vitin e kaluar i kam pasur unë shezllonet, këtë vit ia kanë dhënë atij. Ne kemi pritur që të ndahen shezllonet, sepse kanë qenë pa u ndarë ende, por ata kanë ardhur dhe na vranë në shtëpi.
Ata erdhën dhe qëlluan djalin e madh të parin që ishte me dokumenta angleze, i cili ka ardhur për të investuar dhe punuar. Pastaj qëlluan edhe djalin tjetër. Kur ka ndodhur, nuk kam qenë këtu, por ata nuk kanë ardhur për të folur përderisa kanë ardhur me armë tek dera e shtëpisë. Uroj mos ti ndodh me askujt”, deklaron ai.
LEXO EDHE:
Masakër në Velipojë, 4 të vrarë dhe 2 të plagosur pas sherrit për shezlonët
