Në një intervistë për “CBS Sunday Morning”, Julia Roberts ka folur jo vetëm për karrierën e saj, por edhe për familjen.
Ajo është shprehur se, jeta e saj në shtëpi nuk është e lehtë, por ajo gjen shumë gëzim, teksa kalon kohë me familjen.
“Kur nuk jam duke punuar, të qenit shtëpiake është puna ime me kohë të plotë. Më sjell shumë gëzim. Thjesht nuk më ka konsumuar kurrë, të jem aktore. Është ëndrra ime e realizuar, por nuk është ëndrra ime e vetme e realizuar. Jeta që kam ndërtuar me burrin tim dhe jeta që kemi ndërtuar me fëmijët tanë, kjo është gjëja më e mirë. Për t’u kthyer në shtëpi në fund të ditës, triumfuese, tek ata”, ka thënë Julia.
Ajo u martua në vitin 2002 me Daniel Moder dhe së bashku kanë tre fëmijë, dy djem dhe një vajzë.