Julia Roberts ka pranuar se është një mama e rreptë me tre fëmijët e saj, ndonëse nuk i ndëshkon ato dhe as nuk e humbet durimin. Ajo është shprehur për “The Sun” se teksa përpiqet të vendosët kufijtë në familje duke bashkëbiseduar, fytyra e saj serioze është një ndëshkim i mjaftueshëm.“Kam tre fëmijë të vegjël, kështu që jam e kujdesshme me televizorin. Është interesante të përpiqesh të rrisësh fëmijë në këto ditë, kur çdo gjë është e re”, tha ajo duke shtuar se përpiqet që t’i mbajë ato larg mediave sociale.
Ylli i “Pretty Woman” u shpreh gjithashtu se po insiston që fëmijët e saj të bëhen të përgjegjshëm. “Nuk dua të kalojnë vështirësitë që kam kaluar unë kur isha fëmijë. Por duhet të dinë të rregullojnë krevatin e tyre, të hekurosin rrobat dhe të gatuajnë. Këto janë gjëra thelbësore në jetë”, tha ajo. Julia Roberts dhe kinematografi Danny Moder, të cilët u martuan në vitin 2002, kanë binjakët Phinnaeus dhe Hazel (14 vjeç) dhe djalin Henry (11 vjeç).
