Prej më shumë se 11 vitesh Jumbo vijon të jetë pranë klientëve duke ofruar një gamë të gjerë produktesh cilësore me çmimet më të mira. Tashmë, Jumbo vjen me një koncept të ri të dyqanit në TEG duke shënuar një tjetër moment mjaft të rëndësishëm.
Ky ndryshim vjen si pasojë e ndërthurjes së kërkesës së tregut për më shumë lehtësi e visibilitet të produkteve, por edhe si përpjekje për t’u përshtatur me modelet europiane të dyqaneve të ngjashme. Me zhvillimin dhe modernizimin e dyqanit, Jumbo orientohet edhe më shumë drejt përmirësimit të mëtejshëm të shërbimit ndaj klientëve.
Një nga avantazhet e shumta të këtij koncepti janë edhe hapësirat e argëtimit për fëmijët, ku ata mund të luajnë dhe të zhvillojnë imagjinatën e tyre me produkte të ndryshme. E thënë ndryshe, tashmë Jumbo TEG është kthyer në destinacion argëtimi dhe si gjithnjë blerjesh.
‘’Duke njohur mjaft mirë vlerën e kohës së lirë të klientëve tanë, rritja e hapësirave të ekspozimit bën edhe më të lehtë orientimin e tyre, duke ju kursyer kohë dhe patjetër ofruar akoma më shumë produkte. Ky zhvillim i ri i dyqanit rrit gjithashtu nevojën për më shumë punonjës, për të ofruar një shërbim edhe më cilësor.’’ – thotë Isida Peku, Drejtoreshë e Shitjeve.
Jumbo vijon të mbajë eksperiencën konsumatore si pikë referimi dhe ky koncept i ri i prezantuar sjell më shumë hapësirë, produkte dhe argëtim.
Jumbo është pjesë e Grupit BALFIN, një nga grupet më të rëndësishme dhe më të suksesshme të investimeve në rajonin e Ballkanit Perëndimor.
