Juventus shkarkon Pirlon, gati rikthimi i Allegrit

Andrea Pirlo është shkarkuar nga Juventus pas sezonit të dobët që bënë bardhezinjtë nën drejtimin e tij.

Në mediat italiane e bëjnë të sigurtë rikthimin e Masimiliano Alegrit, i cili më parë ka pasur suksese të mëdha me bardhezinjtë duke fituar pesë herë titullin kampion, por edhe duke i dërguar dy herë në finale të Champions League.

Tashmë, akordi financiar është arritur dhe po punohet për kohëzgjatjen e kontratës, por që nuk do të ketë probleme. Sakaq, me rikthimin e Allegrit do të ndryshojë edhe strategjia, teksa Paulo Dybala do të rimarrë rolin si qendra e projektit.

Pritet që argjentinasi të rinovojë, ndërsa nga ana tjetër, Ronaldo tashmë duket edhe më larg Zonjës së Vjetër. Gjithsesi, kjo pritet të kuptohet pas zyrtarizimit të Alegrit.