Mesfushori i Kombëtares Shqiptare, Ergys Kaçe feston sot 26-vjetorin e lindjes, moshë që e gjen sërish në skuadrën ku u rrit si futbollist, PAOK-un e Selanikut.
Futbollisti ka nisur përgatitjet me kampionët në fuqi të Greqisë, ndërsa nuk i është shmangur edhe ritualit të zakonshëm të skuadrës, në raste ditëlindjesh.
Kështu shokët e tij te PAOK-u kanë formuar një tunel, nga i cili duhet të kalonte Kaçe, me shtatshkurtrin që nuk u ka shpëtuar shuplakave të shokëve të skuadrës.
Një moment ky para nisjes së stërvitjes, që krijoi një klimë pozitive, ndërsa më pas Kaçe mori edhe urimet nga stafi teknik, për 26-vjetorin e lindjes.
