Ish-kryetari i Kuvendit të Kosovës, Kadri Veseli ka dalë sot përpara Gjykatës së Hagës, për t’u përballur me akuzat për krime lufte, të ngritura nga Prokuroria Speciale.
Gjykatësi i komunikoi Veselit 10 akuza si përndjekje si krim kundër njerëzimit, burgosje, krim kundër njerëzimit, ndalim arbitrar, krim lufte, akte të tjera çnjerëzore, trajtim mizor, krim lufte, torturë, krim kundër njerëzimit, torturë si krim lufte, vrasje, krim kundër njerëzimit dhe krime lufte.
Për ish-drejtuesin e UÇK-së akuzat e ngritura nga Gjykata e Hagës nuk qëndrojnë, ndërsa e konsideroi veten tërësisht të pafajshëm.
“I kam lexuar të gjitha aktakuzat. Më lejoni të deklarohem, jam tërësisht i pafajshëm në të gjitha pikat e aktakuzës”, u shpreh Kadri Veseli.
LEXO EDHE:
LIVE – Kadri Veseli përpara Gjykatës së Hagës, i komunikohen 10 akuza
Etiketa: Gjykata e Hages, Kadri Veseli, Video
