Një ngjarje e rëndë ka ndodhur në Kosovë ku policia i ka thyer brinjët një të riu teksa ky i fundit ka kaluar me semafor të kuq.
Përveç të riut ka përfunduar në spital edhe një efektiv policie, i cili sipas kolegëve të tij pësoi lëndime gjatë arrestimit të qytetarit
Sipas njoftimit të policisë, qytetari nuk ka pasur lëndime serioze thjesht disa lëndime në fytyrë pasi efektivët e policisë u detyruan ta arrestonin em forcë. Mirëpo, kjo deklaratë është hedhur poshtën ga burimet e Gazetës Sinjali në Kosovë brenda Spitalit të Gjakovës, të cilët thanë se:
“Qytetari i sjellë në shoqërim të policisë, i cili ishte arrestuar për shkak të mosrespektimit të urdhrave të policisë, ka pësuar lëndime të rënda trupore, më saktësisht deri më tani janë konfirmuar tri brinjë të thyera”– kanë thënë burime të Sinjalit, brenda spitalit.
Nga ana tjetër autoritetet kanë nisur hetimet lidhur me ngjarjen.
“Mund të konfirmoj që hetuesit tanë janë të informuar për rastin dhe janë në vendin e ngjarjes dhe janë duke marrë veprime hetimore, konform autorizimeve ligjore të Inspektoratit Policor. Hetuesit janë ende atje, në Gjakovë”-deklarojnë autoritetet.
