Shkodra u zgjua e tronditur mëngjesin e kësaj të premte, pas një shpërthimi me tritol. Lënda eksplozive ishte vendosur në lokalin e efektivit te policisë së Shkodrës, Ndrek Rrasa.
Kamerat e sigurisë kanë filmuar autorin, i cili ishte veshur mjaft çuditshëm. Ai është maskuar si grua, i veshur me fustan, ndërsa në koka mban një paruke me flokë të gjata.
Në pak sekonda ai i vendos tritolin lokalit të efektivit, ndërsa i vendos flakën edhe furgonit të tij të parkuar para biznesit.
Policia po punon për zbardhjen e shkaqeve të ngjarjes dhe identitetin e autorit.
