Aktualitet

Kanabis e fishekë, policia arreston 55-vjeçarin, në kërkim i biri






               Publikuar në : 14:31 - 19/08/19 |
mapo.al

Është arrestuar nga policia një 55-vjeçar ndërsa në kërkim është shpallur i biri pasi akuzohen për kultivim të lëndëve narkotike kanabis. Sipas njoftimit të policisë arrestimi i tyre u bë në sajë të operacionit “Fag”.


Arrestimi i këtij shtetasi dhe shpallja në kërkim e djalit të tij u bë pasi gjatë kontrollit të ushtruar nga ana e policisë për parandalimin dhe goditjen e kultivimit të bimëve narkotike, në brendësi të pyllit të fshatit Fag, janë konstatuar të mbjella fidanë kanabis.

Në cilësinë e provës materiale, gjatë kontrollit në banesën e tyre policia gjeti dhe sekuestroi 65 fishekë. A. 55 vjeç, lindur dhe banues në fshatin Fag, të Njësisë Administrative Shëngjergj, është i dënuar më parë për veprën penale “Kultivimi i bimëve narkotike”.

 

Informacioni i Policisë

Tiranë

Finalizohet operacioni policor antikanabis i koduar “Fag”

Operacioni nga Komisariati i Policisë Nr. 4 Tiranë.

Goditet një rast i tentativës për kultivim të bimëve narkotike.

Në pranga 55-vjeçari, ndërsa djali i tij shpallet në kërkim, si autorë të dyshuar të kultivimit të bimëve narkotike.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, si rezultat i kontrollit të territorit, shërbimet e Komisariatit të Policisë Nr. 4 , kanë bërë të mundur arrestimin e shtetasit:

A. 55 vjeç, lindur dhe banues në fshatin Fag, të Njësisë Administrative Shëngjergj, i dënuar më parë për veprën penale “Kultivimi i bimëve narkotike”.

Gjithashtu kanë shpallur në kërkim djalin e tij, shtetasin E.A.

Arrestimi i këtij shtetasi dhe shpallja në kërkim e djalit të tij u bë pasi gjatë kontrollit të ushtruar nga ana e policisë për parandalimin dhe goditjen e kultivimit të bimëve narkotike, në brendësi të pyllit të fshatit Fag, janë konstatuar të mbjella fidanë kanabis.

Si rezultat i punës hetimore dhe provave ligjore të sekuestruara në vendin e ngjarjes, dyshohet se babë e bir janë autorë të kësaj vepre penale.

Gjatë kontrollit të ushtruar në banesën e tyre, Policia gjeti dhe sekuestroi në cilësinë e provës materiale 65 fishekë.

Materialet iu referuan Prokurorisë Pranë Gjykatës së Shkallës së Parë Tiranë, për veprat penale  “Kultivimi i bimëve narkotike” e kryer ne bashkëpunim dhe “Prodhimi dhe mbajtja pa leje e armëve luftarake”.


Etiketa: , , , ,

Pas