Ditën e shtunë ish-kryeministri Sali berisha prezantoi në Rrogozhinë kandidatin për kryebashkiak të “Shtëpisë së Lirirsë”, Hekuran Xhani.
Pak orë më vonë në mediat online qarkulloi një video e tij, ku në gjendje të dehur shante të gjithë kryeministrat e vendit nga Berisha, Nano, Rama dhe kreun e PD-së, Lulzim Basha.
“Ca i keni bërë këtij kombi ore, edhe Serbia na ka zili. Kjo klasë politike Sal ku*va, Fatos ku*va, Edi ku*va, Lul ku*va kanë përzënë 50% të popullsisë. Edhe serbët do e kenë zili se nuk kanë përzënë 50% të njerëzve”, dëgjohet të thotë Xhani në gjendje të dehur në atë video.
Për Syrin, ai tregon se ka qenë një takim miqësor në 2017-ën.
“Ishte një takim miqësor në vitin 2017, do ketë qenë ditë e enjte ose e premte. Unë kisha përgatitur një raport pasi ditën e shtunë kishin mbledhjen e kryesisë ku unë do të trajtoja çështjen e shpopullimit të Shqipërisë, ikjen e rinisë. Kjo është një plagë që më ka prekur edhe mua si të gjitha familjet shqiptare. Unë duke qenë mes miqsh, duke e njohur mirë politikën që vetë hartuesi i shkencës politike thotë se është ‘arti i së keqes’, ne në gjuhën popullore themi atë emrin që unë e kam përdorur aty, bëj përgjegjës gjithë klasën politike. Pashë në atë video që ishte tamam një metodë e meskine e ish sigurimit të shtetit”, thotë Xhani për Syri.
