Është e pahijshme, jo elegante, vulgare, dhe skandaloze përgjigja e Ministrit të Brendshëm në Parlament, i pyetur nga deputetët e Opozitës, lidhur me lajmet për largimin e Drejtorit të Policisë, Veliu.
“Do ta merrni vesh kur ti mbarojë kandili”, është shprehur, brutalisht, pa estetikë, pa dinjitet, ministri më i rëndësishëm i qeverisë Rama-3.
Çuçi ka manifestuar kësisoj një fodullëk tërësisht të panevojshëm dhe arrogancë ekstreme, dhe po aq mungesë kultivimi dhe dijeje në bërjen e batutave.
Drejtori i Policisë së Shtetit është një nga postet më kyçe në administratë dhe ka të bëjë direkt me interesin publik.
Ministri i Brendshëm nuk mund ta trajtojë këtë punë, si ato muhabetet në stolat ku luhet domino.
Qendrimi i Çuçit është i papranueshëm, i dënueshëm.
Edi Rama ka rastin e artë të vendosë një vijë sjelljeje, duke e shkarkuar menjëherë të Brendshmin e tij.
Me këtë rast, të tjerët do ta mësonin se të bëhesh Ministër është një gjë shumë serioze dhe duhet përgjegjësi e madhe për ta ushtruar si detyrë.
Çuçi meriton të njëjtën rrugë me Veliun, që sot, pa humbur kohë.
LEXO EDHE:
A është shkarkuar Ardi Veliu? Çuçi: Do ta merrni vesh kur t’i mbarojë kandili!
