Mapo Letrare

Kanga e krahve t’pērplasun






               Publikuar në : 16:30 - 17/08/19 |
Nga Bruna Gjoni Pervathi

Nga Bruna Gjoni Pervathi


Kanga e krahve t’pērplasun
Kaq shum t’ikun
U ba plag qielli
Ajri mban n’buz kangën e krahve t’përplasun
Ikin……ikin….
Të tane ikin zemër vram..
Tu pa dritën q’u u fiket nan kamb

Nuk kan pse t’vijn idhnushêm vjeshtat..
Motet metën pa stin..
Ikin …ikin..
T’djegun shpirtnash ikin ..
Tu l’shu perdhe l’kurën e vujtme

U ba plag qielli..
T’ikunit..me shami t’bardh lidhin ballin
Ikin …ikin..
Tu marr n’çant t’shpinës lot’êt
E me i derdh vetmive n’tokën e premtueme

Ikën të tan..
Edhe Im bir iku vjeshtën e kalueme
Tu m’tha syt..
Veç ngopem.me zanin q’i dridhet tu m’thirr
M’ka marr malli Nan…

Edhe dashnit’ ikin..
Ikin t’ngopme tu kerku qiellin e nant..
Ikin ….ikin…
Tu mbledh rrugs dashni t’braktisme ..
Dashnin e tyne e bajn plag..

Sa m’dhimset qielli kur e shoh t’ndar n’copa
T’ikunit nuk i shoh..
M’kan lan tu i prit….

N’buzën teme t’kam kang

Ti m’je kang qi mi lag buzt me mushtin tan t’dal prej zemre
M’lazron si kingj i but mrena vathit tan t’rrethum me thupra gishtrinjsh
M’ con pertej bjeshkës ku dashnit lahen me uj t’kristalt
E m ‘va n’gjum me zanin e amal t’maleve (se ti vet je i nalt)

Ti m’je kang qi mi çel mjeset e netët mi ban t’çmenuna
M’ngroh me gjethe t’shelgut qi lshohen mbi shtatin tem t vogël
Me durt e tuja t’mdha m’mulon shpirt mos me mu ftoh
Se ti din me ma xjerr prej veni ,(kur m’sheh

Ti m’je kang qi muj me i k’nu të tana stinve kur t’zgjohem
Edhe kur t’ bjer shi do t’maj n’buz …..
…..
(Se ti… m’ man n’jet )

Kam dal me t’prit
Kam dal me t’prit sa ra drita mbi faqe t’malit
Me t’than se asht tha krejt kroni siper shpis
odës i jan plasnue muret e vjetër
E do rraj qerzize nuk kan cel as lule kët vit

Kam dal me t’thirr me lot n’zemer
Me t’than se ta kam harrue aromn e trupit Bir
Se s’due me e menu se t’kam larg syve t’mi
Tu prit me ma gzue buzën me t’perqafue ,

Kam koh qi t’pres me ta mat shtatin me pëllam t’dores
Me t’pa se sa shume je rritun larg meje tash sa vite
Me ta puth deri n’koc lotin qi nuk ta shoh
Se e di q’ edhe ty t’vlon malli për mue cdo dit

Ti vet m’ke than

Ti vet m’ke than se i ngjaj t’kuqes lul’t’çilun n’fush
E buza jeme t’thirr me sy myll me u djeg n’zjarrmni t’tyne
Flokt e mi e nalin shiun , e piklima jote m’bet n’gush
Tu ma ba diten sahat ..
Natën …prush

Ti vet m’ke lazdrue ,e me ke thirr me za t’kulluem ‘lulkuqe”
M ‘i ke ardh fushes teme rrokull me m’cik sall nji grim ‘t’petal
N ‘duert e tuja m’ke majt si ‘moll kuqe
E un shpirtin tan ….pa dash e kam kall

Druj me t’kthye shpinën
Nisem ..
Nalem…
Druj me t’kthy shpinën
Me t’lan n’hije blinit ..
Hala pa u zbardh..

Nisem..
Me ment e mia terhek hapat..
Nalem ..
M’vjen me t’perqafue n’gjum
Pale…noshta je tu m’rrok aty..

Nisem ..
Nalem…
Druj me t’lan tu m’kerku
T’menoj tu m’zgjat durt ..
Me t’dhan uj me lag buzt..

Nisem..
Nalem..
Du me m’pa n’sy kur t’ik..
Me ta pa dhimjen n’krahanor..
Tu u dridh …

Nisem ..
Nalem..
Druj me ta kthy shpinën
Du me t’pa.tu m’kërkue
.njashtu si me ke pas kërkue kur me ke dasht..

(pēr ty Drin)
Mua m’dukesh i bukur edhe kur t’ gjej t’pa krehun…
Edhe kur bri shtratit ,grumull t’i gjej teshat e palara..
Vij ..e n’pasqyren e shpirtit tan ,shoh dhimjen mbledhun..
M’thu jam plak i moçëm ndasht se flokt s’i kam fort t’bardha

Mua m’knaq zani yt kur m’thrret mjeseve pa le mir dielli
Bahem er ,vij e t’ulem, bash n’gjujt e lodhun prej udhēs
Ti metesh për mu i vetmi tregimtar malesh me sy qielli
I vetmi vajtimor qi vajin e man t’fshehun n’skaj t”buzēs

Pa ty ..eh pa ty t’gjata m’bahen muzgjet

Ka tjeter diell n’katund

N’katund e kam nji shpi t’bukur t’rrethueme me nji gardh t’nalt
Dikur i thoshin kull…
E nê njat kull kan le dhe jan burrnu kater breza qi sot i kan kthye shpinen

N’oborr ka vite e vite qi nji pus na shuan etjen
E tre mana t’vjeter na bajne fresk n’ver
I varin degt e tyne deri n ‘hymje t’rruges
Bash njaty ku t’lidhun e mbajm nji qen

Pak ma siper kalon nji prrua i mushun me gur e tash n’vjesht mushet me gjethe shege )
Sja niva kurr merzin edhe kur i asht dasht me u majt n’pikn e funit n’gusht

Ka tjeter diell n’katund..
Nuk asht ai q’shoh n’qytetin tim mjeseve ..
Nuk asht as ai q’verbnon pahiri
Asht ai qi mban t’fort kullen e vjeter ,e pret tim bir ,me u ba babë njaty


Etiketa:

Pas