Aktualitet

Kanosi me armë zjarri kushëririn- Arrestohet 41 vjeçari në Kurbin














Bëni LIKE faqen zyrtare në Facebook
               Publikuar në : 13:44 - 24/11/20 |
mapo.al

Kurbin – Një 41 vjeçar është arrestuar pasi pasditjen e djeshme kanosi me armë zjarri kushëririn e tij në fshatin Dilbnisht.






Bëhet fjalë për të identifikuarin me inicialet G.Ll.


41-vjeçari kanosi me pistoletë kushëririn e tij, Gj. Ll., pas një konflikti për motive të dobëta, dhe u largua me shpejtësi nga vendngjarja.





Ai u vendos në pranga pas disa orësh ndjekjeje dhe bashkëpunimit me familjarët. Sakaq, arma iu gjet dhe sekuestrua në malin e fshatit.



Ndaj G.Ll. tashmë rëndojnë akuzat për veprat penale “Kanosja” dhe “Armëmbajtje pa leje”.


Njoftimi i Policisë:

Kurbin

 Kanosi me armë zjarri kushëririn e tij, Policia vë në pranga 41-vjeçarin.

 Sekuestrohet një armë zjarri pistoletë.

 Specialistët për Hetimin e Krimeve në Komisariatin e Policisë Kurbin kapën dhe arrestuan shtetasin G. Ll., 41 vjeç, banues në fshatin Dilbnisht, Kurbin, pasi pasditen e datës 23.11.2020, në fshatin Dilbnisht, Kurbin, pas një konflikti për motive të dobëta, ka kanosur me armë zjarri kushëririn e tij, shtetasin Gj. Ll., dhe është larguar me shpejtësi nga vendngjarja.

 Shërbimet e Policisë Kurbin, me të marrë njoftimin, kanë shkuar menjëherë në vendngjarje dhe kanë vijuar me krehjen e zonës. Pas disa orësh ndjekjeje dhe falë bashkëpunimit me familjarët, shërbimet kanë bërë të mundur arrestimin e shtetasit G. Ll., si dhe gjetjen e sekuestrimin e armës tip pistoletë të cilën e kishte hedhur në malin e fshatit.

 Materialet i kaluan Prokurorisë pranë Gjykatës së Shkallës së Parë Kurbin, për veprat penale “Kanosja” dhe “Armëmbajtje pa leje”.

1


Etiketa: , ,

CLOSE
CLOSE
Pas