Tragjedia e rëndë që i ndodhi futbollistes shqiptare Florijana Ismaili ka tronditur gjithë botën e futbollit, por sigurisht më shumë ata që e kanë njohur nga afër 24-vjeçaren e cila humbi jetën duke u larë në liqenin e Komos.
Një grup shoqëror i Florijanës, kanë dashur të kujtojnë gjithmonë Florijanën në mënyrën e tyre. Françeska Kalo, futbolliste zvicerane e cila aktivizohet në Gjermani, ishte një nga miket e Florijanës dhe i kishte qëndruar shpesh afër. Ajo ka postuar një foto në rrjetet sociale ku shfaqet bashkë me 4 vajza të tjera teksa kishin vendosur që të kujtonin përgjithmonë 24-vjeçaren me një tatuazh.
Disa prej tyre kishin bërë një kapele që i pëlqente shumë asaj, inicialet e sportistes, numrin 19 që ajo mbante në fanellë si dhe frazën “për familjen”, duke e kujtuar përgjithmonë në këtë mënyrë ish-futbollisten.
