Prefekti i qarkut të Korçës, Dhori Spirollari ka vizituar nga afër hotelin ku po qëndrojnë në karantinë emigrantët që ishin bllokuar prej disa ditësh në pikën kufitare të Kapshticës, për shkak të masave të marra nga qeveria kundër koronavirusit, ku një prej tyre ishte dhe mbyllja e kufijve.
Prefekti Spirollari është njohur nga afër me situatën dhe problemet që kanë personat e karantinuar në hotelin në periferi të qytetit, të cilët do të qëndrojnë në karantinë për 14 ditë.
Spirollari tha për kamerën e A2 se personat e karantinuar janë në gjendje të mirë dhe iu është ofruar ushqim, shërbim shëndetësor dhe siguri, ashtu edhe siç iu ishte premtuar.
