Katër ditë nga zhdukja e 23-vjeçarit nga Lipjani, familja goditet nga një tjeter ngjarje e rëndë. Babai i Shqipdonit ndërron jetë.
Të dielën u nis me një furgon për në Lipjan, e më pas, Shqipdon Aliu do të udhëtonte për në Prishtinë për ta takuar të dashurën.
23-vjecari donte që nusen e tij të ardhshme ta njihte me babain, i cili po vuante nga kanceri. Por, që nga ajo ditë nuk dihet se ku ndodhet i riu nga Gadimja.
Katër ditë pas zhdukjes se tij, vdes Nevzat Alija, babai i Shqipdonit. Të ndjerit nuk i kishin treguar për zhdukjen e djalit, për shkak të gjendjes shëndetësore.
Familjarët që po prisnin njerëz për ngushllime, nuk deshën të flisinin para kamerës, mirëpo televizionit T7 i thanë se se nuk i dinë arsyet e zhdukjes së djalit të tyre.
Pos tjerash, thanë se Shqipdoni asnjeherë nuk ka sjellë probleme në shtëpi. Ai ishte djalë i qetë, thotë edhe menaxheri i lokalit, ku qendronte shpesh 23-vjeçari.
Ndonëse kanë kaluar 5 ditë, ende nuk kanë ndonjë informacion se ku ai ndodhet. Megjithatë, ajo që di policia është se 23-vjecari nuk ka dalë jashtë Kosovës./Tv T7