Arkiva

Kavajë/ Shpërndanin lëndë narkotike, tre në pranga (VIDEO)






               Publikuar në : 15:00 - 03/07/19 |
mapo.al

Tre persona janë arrestuar ditën e sotme nga policia, me akuzën e trafikimit të lëndëve narkotike. Në total u sekuestruan 11.7 kg kanabis, disa aparate celularë dhe një sasi e konsiderueshme lekësh.


Të arrestuar janë O.L., 25 vjeç, lindur dhe banues në Divjakë; M.K, 23 vjeç lindur dhe banues në Kavajë; dhe E.M., 39 vjeç lindur dhe banues në Divjakë.

Shtetasi O.L., dhe E.M., siguronin lëndën narkotike ndërsa shtetasi M.K., e shpërndante. Shpërndarja e lëndës narkotike bëhej në doza të vogla në qytetin e Kavajës.

Kavajë

Finalizohet operacioni policor antidrogë i koduar “POROSIA E FUNDIT”.

Operacion për goditjen e veprimtarisë kriminale të shpërndarjes së lëndëve narkotike në doza të vogla.

Sekuestrohet rreth 11,7 kg cannabis sativa, 2 aparate celulare dhe një sasi lekësh.

Në pranga 3 shtetas që ushtronin këtë veprimtari kriminale

Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga Seksioni i Policisë Kriminale ne Komisariatin e Policisë Kavajë, pas informacioneve të mara në rrugë operative, u finalizua me sukses operacioni Policor i koduar “Porosia e fundit”, gjatë së cilit u bë arrestimi në flagrancë i shtetasve:

M. K., 23 vjeç, lindur dhe banues në Kavajë.

O. L. 25 vjeç, lindur dhe banues në Divjakë,

E. M. 39 vjeç, lindur dhe banues në Divjakë.

Si rezultat i operacionit në Kavajë, shërbimet e Policisë kapën në flagrancë shtetasin M. K., 23 vjeç, ku gjatë kontrollit të ushtruar në mjetin e tij, iu gjet një sasi prej rreth 1 kg lëndë narkotike kanabis, si dhe një sasi lekësh që dyshohet se janë përfituar nga shitja e lëndës narkotike, dy aparate celulare që përdoreshin për të siguruar klientelë, si dhe një automjet që mundësonte shpërndarjen e lëndës narkotike.

Operacioni më tej ka vijuar në bashkëpunim me Komisariatin e Policisë Divjakë, në fshatin Çermë, ku u bë arrestimi i shtetasit O. L., 25 vjeç, pasi gjatë kontrollit në magazinën e tij afër vendit ku banonte, iu gjet dhe iu sekuestrua një sasi prej rreth 10,7 kg lëndë narkotike kanabis.

Po në kuadër të operacionit, u bë dhe kapja e arrestimi i shtetasit E. M., 40 vjeç banues në Zharnec- Divjakë.

Nga hetimet paraprake rezultoi se shtetasit O. L, dhe E. M, siguronin lëndë narkotike dhe ia shisnin shtetasit M. K., i cili më pas e shpërndante në doza të vogla, në qytetin e Kavajës.

Materialet procedurale do t’i kalojnë Prokurorisë pranë Gjykatës së Shkallës së Parë Kavajë, për veprime të mëtejshme hetimore për veprën penale “Prodhimi dhe shitja e lëndëve narkotike” kryer në bashkëpunim.


Etiketa: , ,

CLOSE
CLOSE
Pas