Presidenti i Kazakistanit, Kasëm Xhomart Tokajev ka autorizuar forcat e sigurisë që të qëllojnë pa paralajmërim ndaj demonstruesve në protestat antiqeveritare.
Gjatë një deklarate për medie, presidenti Tokajev ka deklaruar se rreth 20 000 banditë kishin sulmuar qytetin kryesor kazak, Almati.
Ata janë terroristë të trajnuar jashtë vendit për të kryer protesta të dhunshme.
Ministria e Brendshme e Kazakistanit tha gjatë një deklarate se 26 kriminelë të armatosur ishin vrarë dhe më shumë se 3,000 të tjerë ishin arrestuar.
Gjithashtu 18 oficerë policie dhe anëtarë të Gardës Kombëtare ishin vrarë gjatë protestave të kësaj jave.
Protestat, të cilat fillimisht ishin paqësore, nisën në 2 janar për shkak të rritjes së çmimit të naftës.
Por, protestat u përhapën me shpejtësi në mbarë vendin, pasi Kazakistani është i pasur me naftë dhe kjo solli pakënaqësitë në rritje ndaj presidentit Tokajev.
Në 6 janar, pas thirrjes së presidentit kazak për ndihmë, Rusia ka dërguar mijëra trupa për të ndihmuar qeverinë e Kazakistanit për të shtypur trazirat e paprecedenta dhe përleshjet e armatosura në Almati.
Forcat ruse ishin të shumta, me trupa, tanke, kamionë ushtarakë dhe avionë luftarakë.