FNSH ka prangosur të riun që kanosi se do të shpërthente bombolën e gazit.
Pas rreth një ore rezistencë dhe refuzimit të thirrjes për t’u vetëdorëzuar, uniformat blu kanë hedhur gaz lotsjellës dhe kanë hyrë brenda në lokalin ku qëndronte i riu.
Fillimisht u raportua se ai kishte marrë peng familjen, por më pas rezultoi se e gjithë skena po ndodhte në ambientet e një lokali në lagjen “Isa Boletini”.
Policia ka arrestuar të riun i cili ishte në kërkim për një sherr me një grup personash të tjerë.
Dyshohet se i riu ka pasur probleme me shëndetin mendor, dhe pritet një njoftim zyrtar nga ana e Policisë për ngjarjen.
