Aktualitet

Kërcënoi të riun se do e vriste, arrestohet 35-vjeçari në Mirditë





Bëni LIKE faqen zyrtare në Facebook
               Publikuar në : 10:48 - 16/05/20 |
mapo.al

Policia e Mirditës ka parandaluar përshkallëzimin e sherrit mes dy personave. Në prang a ka përfunduar 35-vjeçari E.Sh. Raportohet se i riu, pas një konflikti çasti, i ka thyer xhamin e makinës V.P., dhe më pas e ka kërcënuar se do ta vriste.


Në momentin që ‘blutë’ e qytetit janë afruar në vendin e ngjarjes, E. Sh. është larguar me shpejtësi, por u kap më pas. Gjatë kontrollit fizik, policia i gjeti të riut armën e zjarrit pistoletë me të cilën kishte kanosur për vrasje V. P.


Njoftimi i policisë:


Mirditë


Parandalohet përshkallëzimi i mëtejshëm i një konflikti mes dy personave.

Kanosi me armë zjarri një shtetas, duke e kërcënuar se do ta vriste, falë ndërhyrjes së menjëhershme të Policisë u vu në pranga 35-vjeçari.

Sekuestrohet një armë zjarri pistoletë.

Shërbimet e Komisariatit të Policisë Mirditë, pas njoftimit të marrë se në Rrëshen, Mirditë, kishte konflikt mes dy shtetasve, ku një prej tyre kishte dhe armë zjarri, kanë shkuar menjëherë në adresën e dhënë, ku kontatuan se:

Shtetasi E. Sh., pas një konflikti të çastit, për motive të dobëta, me shtetasin V. P., i kishte thyer xhamin e makinës këtij shtetasi dhe po e kërcënonte me armë  zjarri për ta vrarë.

Në momentin që shërbimet e Policisë janë afruar në vendin e ngjarjes, shtetasi E. Sh. është larguar me shpejtësi, por nuk ka mundur dot të largohet pasi është kapur pas disa minutash ndjekjeje nga shërbimet e Policisë Mirditë.

Gjatë kontrollit fizik shërbimet e Policisë i gjetën armën e zjarrit pistoletë me të cilën ky shtetas kishte kanosur për vrasje shtetasin V. P.

Në përfundim të veprimeve u bë arrestimi i shtetasit E. Sh., 35 vjeç, banues në Nderfane, Mirditë, për veprat penale në ngarkim të tij “Kanosja”, “Armëmbajtja pa leje” dhe “Shkatërrim prone”.

Materialet i kaluan Prokurorisë së Rrethit Gjyqësor Lezhë, për veprime të mëtejshme.


Etiketa: ,

Pas