Aktualitet

Kërkesa e BE për reformën zgjedhore konsensuale, reagon Basha





Bëni LIKE faqen zyrtare në Facebook
               Publikuar në : 13:00 - 02/06/20 |
mapo.al

Kreu i PD-s Lulzim Basha, ka reaguar pas kërkes së Komisionerit të BE-sëm për një reformë zgjedhore konsensuale.  Basha shprehu falenderime për Komisionerin për Zgjerimin, i cili tha se arritja e një marrëveshje për reformën zgjedhore është thelbësore. Komisioneri për Zgjerimin, Oliver Varhelyi kërkoi miratimin e reformës zgjedhore në mënyrë konsensuale, jo të njëanshme.


“Faleminderit Komisionerit Oliver Varhelyi për përkushtimin për konsensus të të gjitha forcave politike për reformën elektorale në Shqipëri: Opozita është plotësisht e angazhuar dhe po kontribuon për ta përmbulljr reformën me garanci të mjaftueshme për një proces të ndershëm zgjedhor. Kjo është e rëndësishme për të rikthyer besimin e shqiptarëve tek demokracia pas manipulimeve të rënda zgjedhore dhe skandaleve të blerjes së votave në zgjedhjet e shkuara dhe po kaq përcaktuese për përmbushjen e një prej kritereve të rëndësishme nga 15 kushtet për integrimin europian të Shqipërisë”– u shpreh Basha.


Pak më herët, Komisioneri për Zgjerimin u shpreh:


“Reforma elektorale në Shqipëri: Inkurajoj të gjitha palët, brenda dhe jashtë parlamentit, që të bëjnë sërish një përpjekje dhe të arrijnë një marrëveshje. Kjo është një reformë e rëndësishme që duhet të dhe do të ishte për të ardhur keq nëse ky moment do të humbej. Shpresoj për një marrëveshje: kjo është thelbësore.”


Komisioneri për Zgjerimin e bëri këtë reagim, kur tryeza ka ngrirë dhe maxhoranca akoma nuk ka kthyer një përgjigje opozitës për mbledhjen e Këshillit Politik dhe arritjen e një marrëveshje.


Etiketa: , ,

Pas