Kronika

Kërkohej për tentativë vrasje, FNSH arreston brenda në shtëpi 42-vjeçarin e rrezikshëm (VIDEO)





Bëni LIKE faqen zyrtare në Facebook
               Publikuar në : 10:08 - 04/06/20 |
mapo.al

KURBIN – Finalizohet operacioni policor i koduar “Mamurrasi”. Në operacion morën pjesë forca nga Komisariati i Policisë Kurbin, në bashkëpunim me FNSH Shkodër.


Kapet dhe vihet në pranga një i kërkuar për tentativë vrasjeje dhe armëmbajtje pa leje.


Në vijim të punës për kapjen e personave në kërkim, shërbimet e Komisariatit të Policisë Kurbin, falë bashkëpunimit të ngushtë me qytetarët dhe pas informacioneve të marra për vendndodhjen e një personi në kërkim, në bashkëpunim me FNSH Shkodër, kanë organizuar dhe zhvilluar operacionin e koduar “Mamurrasi”.


Në kushte të larta sigurie dhe falë ndërhyrjes profesionale u bë kapja dhe prangosja e shtetasit Bardhok Noka, 42 vjeç, banues në Kurbin.


Për këtë shtetas, Gjykata e Rrethit Gjyqësor Kurbin ka caktuar masën e sigurisë ”Arrest në burg”, për veprat penale ”Vrasja me dashje, e mbetur në tentativë, e kryer në bashkëpunim” dhe “Armëmbajtja pa leje”.

Shtetasi Bardhok Noka, më 29.04.2020, në Mamurras, në bashkëpunim me një shtetas tjetër, ka qëlluar me armë zjarri në drejtim të një mjeti tip “BMW”, me drejtues shtetasin K. (N.). Sh.

Materialet procedurale do t’i kalojnë Prokurorisë së Rrethit Gjyqësor Kurbin, për veprime të mëtejshme.


Etiketa: , , ,

Pas