Anëtari i Komisionit të Rithemelimit të PD-së, Edi Paloka ka raguar pas takimit që zhvilloi ambasadorja e SHBA-ve, Yuri Kim me kryetarin e grupit paramentar të PD-së, Enkelejd Alibeaj.
Teksa e cilësonte Alibeajn si kryetar të komanduar të PD-së, Kim kërkonte forcimin e mëtejshëm të bashkëpunimit mes PD dhe SHBA. Përmes një postimi në Facebook të Edi Paloka thotë se kjo deklarata është turp.
“Ky është më tepër se turp, është shkelje e jo vetëm çdo etike por dhe ligjeve të Republikës së Shqipërisë! Kjo zonja që uroi Ramën për “fitoren historike” pa mbaruar akoma procesi zgjedhor me 25 prill; që ka dalë hapur në mbështetje të qeverisë më të korruptuar në rajon (siç e cilëson vetë Departamenti Amerikan i Shtetit) dhe që prej kohësh është angazhuar në vetë të parë në përçarjen e opozitës shqiptare, sot ka ndërmarre një akt te fundit, gjithnjë në shërbim të të njëjtit qëllim. Zonja ambasadore, me arrogance, tregon se jo vetëm nuk respekton Konventën e Vjenës po nuk njeh as vendimet e gjykatave shqiptare megjithëse flet gjithe kohen për drejtësinë. Ti zonjë mund të takosh kë të duash dhe si të duash, po nuk mund te vendosesh mbi gjykatat shqiptare e sidomos mbi vullnetin e lire te demokrateve shqiptare”, ka shkruar Paloka.
