Shkrimtari Kim Mehmeti ka komentuar deklaratat e ish-kreut të PS, Fatos Nano, ndaj presidentit të Republikës, Ilir Meta.
Analisti i njohur shqiptar nga Maqedonia e Veriut tha se Meta është nga ata politikanë që nuk ka frikë të përballet me të shkuarën dhe kjo është për t’u vlerësuar.
“Duhet me i dhënë mbretit atë që i takon mbretit. Presidenti i sotëm i takon gjeneratës së politikanëve që përgjatë tri dekadave kanë vendosur për fatin e Shqipërisë.
Por me rendësi është se cilit grup do i takojë, atij që shikon në të ardhmen, që nuk kanë frikë të përballen me të shkuarën e tyre politike, apo grupit tjetër që nga frika për t’u përballur me të shkuarën e tyre politike duan me çdo kusht pushtetin.
Meta ka treguar që i takon atij grupit që nuk kanë frikë që të përballen me të shkuarën”, deklaroi Kim Mehmeti, i ftuar te ‘Çim Peka Live’, mbrëmjen e djeshme.
Etiketa: Edi Rama, Fatos Nano, Ilir Meta, Kim Mehmeti
