Propaganda tashmë është certifikuar si gjendja dhe forma kryesore e qeverisjes. Aq sa ajo pëlhurë po bie nga gjithë kindet e saj dita ditës.
Po kjo për çudi nuk e ka ndaluar rilindjen, dhe as e ka nxitur të behet më realiste, më e përulur, dhe më afër njerëzve.
Përkundrazi, ngaqë propaganda po bie si mjet, po shohim eksese të skajshme dhe histeri të saj.
Siç qe ministrja në borëpastruese që realizoi klipin spektakolar, edhe pse mijëra vetë vuajtën me orë të bllokuar në acar.
Apo intelektuali i rilindjes T.Balla, që u zhyt në ujëra të ftohta duke hedhur shikim larg në horizontin me shtrëngata, e u kujdes aq shumë që fotoja të publikohej.
Kjo karikaturë e Bujar Kapexhiut në gazetën Mapo sot, flet shumë se si e kanë ngrehur varkën e dukjes shefat e mëdhenj. Skenderbeu sjell pakon çlirimtare të vaksinave ndërsa në kic, u jep rremave i sprovuari, si njohës i elektricitetit, përmbytjeve dhe kushteve meteorologjike, T.Balla.
