Komisioneri për Zgjerimin e Bashkimit Europian, Oliver Varhelyi i kërkon Parlamentit të presë këshillat e Komisionit të Venecias mbi ndryshimet në Kodin Zgjedhor, përpara se ta miratojë atë në seancë plenare.
Në një postim në “Twitter”, Varhelyi shpreh besimin se Komisioni i Venecias do t’i mundësojë këshillat së shpejti, sikundër dëshirën për zgjedhje të ndershme më 25 prill 2021.
“Kodi zgjedhor në Shqipëri: Besoj se Komisioni i Venecias do të ofrojë këshilla të shpejta për palët e interesuara shqiptare mbi zbatimin e ndryshimeve kushtetuese të 30 korrikut. Parlamenti duhet të marrë në konsideratë pritjen. Mezi po pres të shoh zgjedhje të lira dhe të ndershme në prill 2021”, – shkruan Varhelyi.
Risjellim në vëmendje se Presidenti Ilir Meta i dërgoi të premten Komisionit të Venecias një sërë pyetjesh për një opinion urgjent rreth ndryshimeve sipas tij të njëpasnjëshme në Kodin Zgjedhor.
Sot, në konferencën për shtyp, kreu i shtetit Ilir Meta kërkoi reflektim nga ana e mazhorancës.
#Albania electoral code: I trust @VeniceComm will provide swift advice to Albanian stakeholders on the implementation of Constitutional Changes of 30 July. Parliament should consider waiting w revote to take this advice into account. Look fwd to free&fair elections in April 2021.
— Oliver Varhelyi (@OliverVarhelyi) October 26, 2020
LEXO EDHE:
PS do rrëzojë dekretin për Kodin? Meta: Kam kërkuar reflektim, mbetet për t’u parë
Etiketa: Ilir Meta, Kodi Zgjedhor, Komisioni i Venecias, Oliver Varhelyi, Reforma Zgjedhore
