Kryeministri Edi Rama ka reaguar pas deklaratës së Komisionerit të BE për Zgjerim, Oliver Varhelyi, i cili bëri thirrje që Parlamenti të presë opinionin e Komisionit të Venecias përpara se të votojë dekretin e Presidentit për Kodin Zgjedhor.
Por kreu i qeverisë Edi Rama, përmes një statusi në Twitter shprehet se për një ligj të votuar dhe të refuzuar nga Presidenti, procedura është e qartë. Rama paralajmëron se opinioni i Venecias është i mirëpritur, por Parlamenti do të rishprehet pa humbur asnjë ditë.
“Mendimi i Venecias është gjithnjë i mirëseardhur, por për një ligj të votuar dhe të refuzuar nga Presidenti, procedura është e qartë: Refuzimi i Presidentit pranohet ose rrëzohet nga parlamenti! PARLAMENTI DO TË RISHPREHET PA HUMBUR ASNJË DITË!”, shkruan Rama.
Kryeministri iu përgjigje dhe presidentit Ilir Meta të cilin e akuzoi se ka marrë peng Presidencën dhe sillet si ekstremist kundër Parlamentit dhe Qeverisë shqiptare.
“Ky President i angazhuar si një ekstremist kundër Parlamentit dhe Qeverisë Shqiptare, s’merr dot peng askënd dhe asgjë përveç institucionit që fatkeqësisht ka marrë peng! Opinioni i Venezias mirësetëvijë kur të vijë, por koha për këto zgjedhje s’pret asnjë ditë jashtë procedurave”.
LEXO EDHE:
Kodi Zgjedhor – Brukseli: Parlamenti të presë këshillat e Venecias
PS do rrëzojë dekretin për Kodin? Meta: Kam kërkuar reflektim, mbetet për t’u parë
