fbpx

Aktualitet

Kokaina në banane, Tabaku: Kompania 151 udhëtime nga Ekuadori





               Publikuar në : 10:25 - 30/09/19 |
mapo.al

Pak ditë më parë u zbulua një sasi e madhe kokaine në tre konteniere me banane që ishin nisur nga Ekuadori. Kokaina u zbulua në portin e Pireut, ku autoritetet greke e zëvendësuan kokainën me oriz në mënyrë që të bëhej dorëzimi i kontrolluar i mallit në Shqipëri. Por autoritetet shqiptare arritën të arrestojnë në portin e Durrësit, vetëm një roje dhe një peshkatar, ndërsa u shpall në kërkim shtetasi Gentian Malindi. Ende nuk ka të dhëna se kush ishte “pronari” i 137 kg kokainë.


Ish-deputetja demokrate, Jorida Tabaku shkruan sot se “ faqja që tregon udhetimet e anijeve me ngarkese zbulon se kompania “Alba Exotic Fruit shpk” ka kryer 151 udhëtime me të njëjtin intenerar. Secili prej nesh e ka të thjeshtë të kryejë llogaritë se sa kg kokainë mund të jenë transportuar”.



“Një nga kriteret e vendosura nga Bundestag lidhet me trafikimin e lëndëve narkotike dhe shndërrimin e Shqipërisë në nje bazë për drogat e forta dhe nyjë në trafikun ndërkombëtar. Shqipëria ka nevojë për politikanë seriozë, për rezultate konkrete e jo për propagandë. Trafiku i drogës e lufta ndaj krimit të organizuar përherë e më shumë po theksohen si kritere si shkak i mungesës së progresit në to!”, vijon ajo.


Pak ditë më parë, gazetari i Shqiptarja.com, Elton Qyno, bazuar në informacione konfidenciale raportoi se “destinacioni përfundimtar i sasisë së kokainës prej 137 kg do të ishte qyteti i Fierit dhe Elbasanit. Dy grupe kriminale mjaft të fuqishme dhe me ndikim të madh në këto dy qytete, dyshohet se kishin porositur sasinë e kokainës nga Ekuadori. Ngarkesa ishte paketuar dhe futur në një kontinjer frigoriferik me banane të kompanisë “Alba Exotic Fruit” në pronësi të Eduard Dautit.

Mirëpo gjatë operacionit policor të koduar “Kuito”, prangat e policisë janë zgjatur deri tek Ardian Bega, një person nga Skrapari, me detyrë punonjës sigurie në portin e Durrësit dhe Altin Myslihaka një person që punonte si mbledhës kanaçesh dhe skrapi në port dhe ishte “shërbëtor” i Gentian Malindit, të cilit i pastronte anijen.

I vetmi person që është shpallur në kërkim është Gentian Malindi, djali i avokatit të njohur Ilir Malindi në Durrës dhe që disponon një anije peshkimi në portin e Durrësit”.


Etiketa: , ,

CLOSE
CLOSE
Pas