Komisioni Parlamentar i Ekonomisë, drejtuar nga Arben Ahmetaj rrëzoi paraditen e sotme dekretin e Presidentit Ilir Meta për kthimin e ligjit të privatizimeve. Më pas u rrëzua edhe dekreti për PPP-të.
Deputetët e rinj të listave votuan pro dekreteve të Metës, por votat e mazhorancës ishin të mjaftueshme për ti rrëzuar ato.
Në mbledhjen e parë të tij, ky komision do marrë në shqyrtim gjithsej 4 dekrete të Metës. E pranishme është dhe minisrja, Anila Denaj.
Në mbledhjen e sotme ka pasur edhe një përplasje verbale mes kryetarit të komisionit Arben Ahmetaj dhe deputetit të opozitës Alban Zeneli duke bërë që mbledhja të ndërpritej për disa minuta.
